Jakitea elkarteak urteroko bere sariak banatu zituen atzo Adunako Zabala sagardotegian ospatu zen ekitaldian. Tolosako Botarri erretegiko Txemari Estebanek jaso zuen Jakitea elkarteko Jatetxeari Saria eta Getariako Kaia-Kaipe jatetxeak eraman zuen Kalitate Gorena eta Produktu Onena Darabilen Jatetxeari Sari Nagusia. Festan beste bederatzi sari gehiago banatu zituzten, haien artean Pintxo Tradizionalaren Saria, Donostiako alkate Eneko Goiak eman zuena. Aurtengo edizioan Bertako Ekoizleari kategoria ere izan da, eta Aldudeko Pierre Oteizak irabazi du.