Atzo jakindakoaren arabera, Poloniako Lublin hiriko fiskaltzak abuztuaren 9an aurkeztu zuen, azkenik, Pablo Gonzalez kazetariaren aurkako akusazio formala. 2016ko apirilaren eta 2022ko otsailaren artean Errusiaren mesedetan eta Poloniaren kaltetan espioitza lanak egitea leporatu dio. Bi urte eta erdi luzez kargu zehatzik gabe preso eduki ondoren, poloniarrek orain topatu omen dituzte akusazio zehatza egiteko frogak, kasualitatez, kazetaria aske geratu eta zortzi egun geroago.