Leherketa batek gutxienez 51 hildako utzi ditu Irango ikatz meategi batean. Istripua larunbatean gertatu zen eta orain arte 20 pertsona erreskatatu dituzte zaurituta; horietatik 12 ospitaleratu dituzte. Hasiera batean, istripua gertatu zenean, meategi barruan lanean 70 pertsona zeudela baieztatu zen, baina oraindik ez dago argi zenbat meatzariri eragin dien benetan eztandak. Tragedia latza, poz gutxiko eta lan baldintza eskaseko ogibide horretan. Halakoak gutxitan izaten dira ezbehar hutsak.