Euskal Pegatineroen XXII. Topaketa hartu zuen atzo Altsasuko Kukuerreka Elkarteak. Goizean hasi zen urtero errepikatzen duten topaketa hau. Elkartzeaz gain, Euskal Herriko historiaren hainbat momentutako pegatinak partekatu eta trukatzea zen helburu nagusia. Zaila zen mahaia ikustea elkarteko lokalean. Mugimendu internazionalistenak, sindikatuenak, Errekaleor auzoaren aldekoak, mobilizazio feministenak, Euskaraldiarenak eta greba askorenak erakutsi zituzten. Hori jasota, elkarrekin bazkaltzera joan ziren.