Urriko azken asteleheneko azokak milaka lagun -90.000, Udalaren arabera- erakarri zituen Gernikara. Frutak, barazkiak, artisauak... eskaintza zabala izan zen 300 postuetan. Atzo eguraldia lagun izan bazen ere, azken asteetako euriteek bertako izarra den produktuaren uzta txikitzea eta, ondorioz, garestitzea ekarri zuen: postu batzuetan Gernikako babarrun kiloa 20 euroan ordaindu zen. Gazta enkantean, aldiz, Gautegiz-Arteagako Kanala Beach jatetxeak 8.000 euro ordaindu zituen lehiaketa irabazi zuen Agiñagako Larrabeko pieza erdiagatik.