Hiriko auzo guztietan euskarazko haur eskolak izatea aldarrikatuko du Iruñeko Euskalgintzak abenduaren 11rako deitutako manifestazioan. Udalean gehiengoa duten EH Bildu, PSN-PSOE, Geroa Bai eta Contigo-Zurekin alderdiei «irtenbidea adosteko» eskatu die: «Hitzetatik ekintzetara pasatzeko garaia da». PP eta UPNri, bestalde, eskatu die ez dezatela «zangotrabarik» jarri. Bada garaia udalaren barneko indar harremanak euskararen alde kokatzen hasteko. Euskarak behar du.