Euskal Kirol Federazioen Batasunak (EKFB) Euskal Selekzioa sariak banatu zituen atzo arratsaldean, Donostiako Aquariumean egindako gala batean. Urtero legez, erakunde honek kirol ezberdinetako kirolariak saritu zituen; horietako bat Maider Unda borrokalari ohia izan zen, egindako ibilbideagatik. Horrekin batera, euskal kirolariek Euskal Selekzioa ordezkatzeko jantziko dituzten kamiseta berriak ere aurkeztu zituzten. Lehen jantzia berdea izango da, bertikalean bi marra zuri eta beste marra gorri bat dituena. Jantzi zuria izango da bigarrena.