Gipuzkoakoa zabaldu eta biharamunean, Arabako txotx denboraldiari hasiera eman zioten atzo Aramaion, eguerdian, Iturrieta sagardotegian eginiko irekitze ekitaldi ofizialean. Euskal Herriko Hazien Sarea eta ia hiru hamarkadako bere ibilbide eta lana omendu nahi izan zituen Arabako Sagardogileen Elkarteak, eta bertako pare bat ordezkari arduratu ziren Iturrietako estreinako txotxa dastatzeaz. Zorionekoak, haiek! Araban, aurtengo sasoiari begira, 120.000 litro sagardo ekoitzi dituzte sagardogileek; «kalitatezkoa», diotenez.