Bertsozale Elkarteak eta Bortzirietako Bertso Eskolak antolatuta, Lesakak hartu zuen atzo 2025eko Bertso Eguna. ‘‘Oinak bidean’’ ibilbidearekin abiatu zen eguneko lehen ekitaldia, eta ostean, tradiziozko bertso-poteoan, hainbat bertso eskolatako kideek hartu zuten mikrofonoa Lesakako kaleak bertsoz janzteko. Arranoko luntxean indarrak berrituta, ‘‘XXI mende, 25 (H)illbelltz’’ bertso saioa izan zen arratsaldeko protagonista, eta eguna sagardotegian itxi zuten, Manex Pagola eta ‘‘Hor gu’’ bertso jarriekin.