Ehun pertsona inguru bildu ziren atzo bazkari baten bueltan Usurbilgo Atxega Jauregian, Argia Sarien 36. edizioak ekarriko zuen emaitzarekin artega. Aurten sei sari banatu ditu Lasarte-Orian egoitza duen hedabideak. “EITB Kultura” telebista saioari eman zion ikus-entzunezkoa, “Irutxuloko Hitza” Donostiako hedabideari prentsakoa, entzunezko saria BaDa!bil podcastari, internetekoa Oroibidea bilatzaileari eta komunikazio kanpaina onenarena Altxa Burua ekimenari. Merezimenduzko saria Ene Kantak egitasmoak eskuratu zuen.