2013ko eta 2023ko datuak alderatuta, Eurostat-en arabera gaur egun pertsona bakoitzeko hondakin gehiago sortzen da Europar Batasunean. Hala ere, hondakin horien ehuneko handiagoa birziklatzen da. 2023an Europako herritar bakoitzak 511 kilo zabor sortu zituen bere udalerrian, 2013an baino 23 kilo gehiago, eta sortutako udal hondakin guztien %48 birziklatu dira, 2013an %37 birziklatu zirelarik. Nabarmen gehiago birziklatzen den arren, benetako erronka sortzen den zabor kantitatea murriztea da.