Iazko azaroaren 30etik aurtengo urtarrilaren 31ra bitartean, Gure Haurrak Ere Badira egitasmoak Euskal Herriko ume zein nerabeek Palestinako beraien adinkideentzat sortutako elkartasun mezuak jaso ditu bere helbide elektronikoaren bidez. Ekimenak azaldu duenez, ikasgeletan zein etxeetan, bakarka edota taldeka, ume palestinarrei babesa adierazteko sortutako 500 mezu baino gehiago jaso ditu. Bildutako lan horiek Palestinara helarazteko asmoz, Mundubat elkarteari eman dizkiote. Ekimen ederra eta beharrezkoa.