Beste zenbait herritan egin duen bezala, Errenterian «lurreratuko» da Vox gaur, hiru orduz karpa txiki bat bertan jartzeko. Momentuz, ultraeskuinaren aurkako indar metaketa eragitea baino ez du lortu alderdi espainiarrak ekimen horrekin. Izan ere, oso egun gutxitan Orereta-Errenteriako Herri Ekimena deiturikoa sortu da, faxismoaren kontra, eta atzorako deitu zuen manifestazioak jendetza bildu zuen. Kaleak bete zituen mobilizazioak, giro lasaian baina mezu oso irmoarekin. Ehunka ikurrina erakutsi zituzten herritarrek.