Jendetsua eta arrakastatsua izan da aurtengo Lilatoia. Guztira 6.200 emakumek eman zuten izena «emakumeak kirolaren bidez ahalduntzea» helburua duen lasterketa beterano honetan. Urtero emakume anitzentzat topaleku bihurtu baita. Kopuruei dagokienez, datu xume bat: 1990ean, lehen edizioan, 130 korrikalarik hartu zuten parte. Sari-banaketa Alderdi Ederren egin zen, eta kategoria bakoitzeko lehen hirurak saritu ziren. Partaideek egin zituzten marka guztiak web orrialde ofizialean zintzilikatu dira. Halere, hemen ere, parte hartzea da garrantzitsuena.