Senpereko lakuak elkartu ditu Herri Urrats, Dupla taldea, Pisoo eta Pantxoa eta Peio musikariak. Edizio honetako abestia Dupla taldeak egin badu ere, denen artean osatu dutelako, «Elgarrekin». Bideoklipa ere lakuan barrena grabatu dute, eta lagun izan dituzte Angeluko dantzariak, abestiaren egileak eta Seaskako ikasle, guraso eta langileak. Euken Olhazo Pisoo rap kantariaren parte hartzea du, eta baita Pantxoa eta Peio bikotearena ere, antza denez hauen “Azken dantza hau” abestia hartu baitute erreferentzia gisara, kantua sortzeko garaian.