Jonan Ordorikaren itzala luzea da, eta horren lekuko izan zen atzo Bilboko Arriaga Antzokia. Bertan bildu ziren hainbat euskal artista, Ruper Ordorika anaia tartean. «Jonan lotsaturik egongo litzateke, ikuskizunaren ideia ikusita; berak ez zuen inolako usterik», esan zion GARAri Ruperrek. Soinu teknikari oñatiarra 2023ko abuztuan hil zen eta kolpe latza izan zen euskal musikagintzan. Musikazale amorratua, ezagutu zutenak bat datoz haren izaera apala eta profesionaltasuna nabarmentzean. Loraldiak sektoreko kide guztiei zabaldu zien gorazarre ekitaldia.