Mileiren Gobernuak errepresioa baliatu zuen atzo pentsiodunen mobilizazio baten kontra, 120tik gora pertsona atxilotuz eta 45 zauritu eraginez. Pablo Grillo argazkilariaren egoera kritikoa da, jaurtigai negar eragile batek buruan jo ostean. Argentinan, diru sarrera eskasen ondorioz, jubilatu gehienak pobrezia egoeran daude, eta pentsioen eguneratzea, botiken estaldura berreskuratzea eta hilabete honetan amaitu den pentsioen luzamenduaren jarraipena eskatzen dute, nahiko urte kotizatu ez zutenei diru sarrera bermatzen baitzien.