Europan Euskal Herria salbuespenetako bat da, baina gurean ere indartzen ari dira arrazakeria eta aporofobia, txanpon beraren bi alde horiek. Fenomeno horren aurrean, jarrera irmoa izan behar da: ezinbestekoa da, enpatiatik eta elkartasunetik, arrazakeria borrokatzea, Europar Batasunaren migrazio politika hiltzaileak salatzea eta harrera mekanismo instituzional eta sozialak indartzea. Milaka pertsonak jarraituko dute etortzen, gerra eta miseriatik ihesi, Mediterraneoan eta Mantxako kanalean bizitza arriskatuz, aukera baten bila.