Aita Mari erreskate ontziak, bere 15. misioan, herenegun 108 pertsona salbatu zituen Mediterraneo erdialdean, arrisku larrian zeuden bi ontzitatik. 84 gizon, 13 emakume eta 13 adingabe ziren, horietako asko egoera bereziki larrian. Deshidratazioa, akidura eta zorabioak zituzten, arnasa infekzioak ere bai batzuek. Hala ere, Italiako agintariek ez zuten lehorreratze portu azkar eta seguru bat eskaini, egoeraren larritasunarengatik premiazkoa zena. Errespeturik ez berriz ere, ez printzipio humanitarioekiko, ez nazioarteko zuzenbidearekiko.