Euskal Herriko ehunka pilotari gaztetxo elkartu dira asteburuan Bidarten, zesta-puntaren urteroko hitzorduan. Guztira, 26 elkartetako puntistak bertaratu dira, 7 eta 13 urte artekoak, eta Bermeoko eta Lilleko zesta eskolak izan dira aurten berritasuna “Pilotari ttiki” topaketan. Gazteenen artean zirrara berezia eragiten du jardunaldiak, zesta-punta eskolen saretze moduko bat baita, baita diziplina honen loraldiaren erakusgarri ere. Winter Series edo Iron Cup antolatzeko, pilotari gazteen heziketa funtsezkoa dela ere oroitarazten du hitzorduak.