Xabier Etxeberria Mauleon pentsalari etiko eta ekintzaile sozialak jasoko du Eusko Ikaskuntza-Laboral Kutxa Humanitateen, Kulturaren, Arteen eta Gizarte Zientzien 2025eko Saria. Hainbat alorretan bildutako ezagutza eta zenbait gizarte talderen alde egindako lana aitortu dizkiote. Arroitzen jaio zen Xabier Etxeberria 1944an. Filosofian doktorea eta katedradun emeritua Deustuko Unibertsitatean, ibilbide luze, emankor eta sakoneko pentsalari eta ekintzaile soziala da.