Gasteizko Santa Maria elizpe dotorearen argiztapen monumental berria aurkeztu zuten atzo. Sistema erabat informatizatuta eta domotizatuta egongo denez, katedrala bisitatzean modalitate desberdinetako ikuskizunak programa daitezke eta, are gehiago, gidariek zuzenean esku hartu ahal izango dute argiztapenean bisita egiten ari direnean. Horrez gain, ikusmen desgaitasuna duten pertsonentzako 90x91x75 zentimetroko maketa tiflologikoa ezarri da. Victor Sanz Yrazuk bi urte inguru behar izan ditu hori osatzeko.