Miren Amurizaren ‘‘Pleibak’’ eleberria saritu du 111 Akademiak, 2024an kaleraturako literatura lan oparoena dela ebatzita. Garaikurra atzo jaso zuen, Hika txakolindegian (Amasa). Berezia da aurtengoa, Amuriza izan baitaiteke sari hau jasotzen duen azkena. Orain hilabete Akademiak jakinarazi zuenez, finantzaketa arazoek «kinka larrian» egotera eraman dute. «28 urteren ostean ez dugu lortu euskal literaturari eta irakurzaletasunari bideraturiko egitasmo honek erakundeen aldetik behar besteko babesik jasotzea», salatu zuten.