Hatortxu Rock eta Atarrabia azken 15 urtetan eskutik ezagutu ditugun bi termino izan dira. Azken-aurreko edizioa abenduan egin zuten Iruñerriko herrian, uztailaren amaieran Lakuntzan betiko agur esan baino lehen. Igande honetan, baina, elkartasun jaialdiko kideek, herritarrekin batera, horma batean betiko islatuta utzi nahi izan zuten ahizpatasun hori, Atarrabiari eta atarrabiarrei eskerrak emanez. Orain, bertakoen memoriaz gain, herriko paretek ere erakutsiko dute Hatortxuk eta Atarrabiak elkarrekin marraztu duten historia luze hau.