Uztaila iritsi da eta, berarekin batera, jazz jaialdiak. Horren iragarle Gasteizko Andre Maria Zuriaren plazan ipini duten eskultura begetala, hiriaren ikur denari lagun egingo diona. Izan ere, Arabako hiriburuak uztailaren 14tik 19ra hartuko du Gasteizko Jazz Jaialdia, eta Donostiako Jazzaldiak hartuko dio lekukoa 23tik 28ra. Aurretik, gaur bertan abiatuko da Getxokoa. ‘‘#Jazz’’ eskulturak 2,4 metroko garaiera eta 4,2 metroko luzera du, eta 900 kiloko pisua. Soropil artifizialez osatutako lana Gasteizen egin dute, Oso Zurdo tailerrean, Gentzako errementarien laguntzaz.