Iturgoienen, Xabier Senosiainek eta Maite Diez de Arizaletak gazta berezia egiten dute. Duela bi urte sortu zuten Senorena marka. Alpeetako ahuntz mota bateko abelburuak dituzte, esnea erruz ematen dutenak, eta era ekologikoan hezten ditu bikoteak. Jasotako esnearekin, urtean mila kilo gazta egiten dute, eta gehiena Nafarroan bertan saltzen dute. Gaztanbera ere egiten dute, proteina eta kaltzio ugariko elikagaia. Enpresa gaztea den arren, Senorena jada hasi da sariak jasotzen (Jaitzeko Gazta Eguna). 2026an etiketan “Gazta ekologikoa” jarri ahal izatea espero dute.