Badira kirol diziplina ugari lau urtean behin ospatzen diren Olinpiar Jokoetatik kanpo uzten dituztenak. Baina estatus hau ematen ez dioten kirol horientzat beste txapelketa bat sortu zuten: The World Games (TWG, ingelesezko nomenklaturagatik). Hilaren 17ra arte, Txinako Chengdu hiriak txapelketa hau jasoko du, eta bertan kirol ugari ikus daitezke. Horietako bat argazkian ikus daitekeen “wakeboard freestyle” da, zeinak irudi ikusgarriak utzi dituen. Sokatira ere bada beste kirol horietako bat. Hurrengo edizioa, 2029koa, Alemaniako Karlsruhe hiriak jasoko du.