Gazte Euskaltzaleon Sarearen eta Euskal Herrian Euskarazen proiektua da TindEHEr, hizkuntza kontzientziaren eta harremanen pizgarria. Izan duen harrera onaren isla da 30 talde eraldatzaile baino gehiago biltzea. Haien artean egindako “matxak” edo bikoteak iragarri zituzten Etxarri-Aranatzen atzo. Matxak osatzean, Iparraldeko eta Hegoaldeko gazteen loturak elikatzea eta, euskarari dagokionez, inguru desberdinetako gazteak batzea izan da lehentasuna. Orain, matxek harremanean sakonduko dute, eta elkarrekin osatu behar duten egitarauaren antolaketan sartuko dira.