Liloan hirian (Filipinetako Cebu probintzian) bi haur jolasean, lokatzetan, buruko azken ile puntatik oineko behatz txikieneraino marroi, erabat lohituta. Ez zaizkie gurasoak gehiegi haserretuko horrela etxeratzeagatik, ordea: bai baitago benetan zerekin samindu eta sumindu Filipinetan egunotan. Kalmaegi izeneko tifoiak gogor astindu du herrialdea, txikizio handia eraginez. Kalte materialak izugarriak dira, eta hildakoen eta desagertuen kopurua ere ez da nolanahikoa: 114 lagun zendu dira gutxienez eta 127 desagerturik daude.