Hego Euskal Herrian Gabon giroa hurbilago sumatzen da. Bilbo, Gasteiz eta Donostiari jarraituz, Iruñeak gaur sasoi honetako ohitura beteko du; 18.30ean Gabonetako argiak piztuko dituzte Nafarroako hiriburuko kaleetan. Bilbo izan zen argiak piztuz Gabon usaina zabaltzen lehena, joan den asteazkenean, azaroaren 26an. Ondoren, Arabako eta Gipuzkoako hiriburuak etorri ziren. Atzo Donostian, argiak pizteaz gain, musika ekitaldi bat ere izan zen, Izaro abeslariaren eskutik. Bertaratutakoek 500 drone ikusteko aukera ere izan zuten.