Aiherrako Denen Etxea gelan jokatu zen bigarren faseko lehen saioan, Maddi Ane Txoperena izan zen nagusi eta, gainera, final aitzinekoetara sailkatu zen. Lekorneko bertso eskolako haurrek biziki ongi eman zieten ongi etorria bertaratutakoei. Lan puntuagarri guztiak osatu ondotik, Maddi Ane Txoperena izan zen puntu gehien bildu zituena: 415. Haren atzetik, honela gelditu ziren saioko gainerako bertsolariak: Maddalen Arzallus Antia, 414; Patxi Iriart Hiribarren, 408,5; Karlos Aizpurua Etxarte, 385,5; Josu Txoperena Iribarren, 353,5; eta Pettan Prebende Thikoipe, 297,5.