Oporrak Bakean programak Tindufeko kanpamentuetatik abiatu zuen aurtengo harrera kanpaina, saharar erbestealdiaren 50. urteurrenean. Haur sahararren osasunerako eta familientzako «arnasgune» den ekimenak udarako harrera familiak behar dituela gogorarazi zuten, eta elkartasun kolektiborako deia egin. «Hemendik, Aljeriako desertutik, sahararren kanpalekuetatik, agerraldi honen bidez euskal herritar orori deia egiten diogu Oporrak Bakean elkartasun ariketa komunitario eder honetan parte har dezan».