Lakuako Segurtasun Sailak 400 euroko isuna ezarri dio urriaren 20an Groseko Basque Culinary Centerren egoitza berriaren irekiera zela-eta hogei bat taldek egin zuten kontzentrazioaren berri eman zuen pertsonari. Zirkulazioa eten zutela argudiatu du Lakuak, baina Ertzaintzak itxi zuen errepidea, mobilizazioa oztopatu nahian. Herritarrek hirigintza-operazio hori lurzoru publikoa indarrez ebastea zela salatu nahi zuten, baina Gobernuak ez ditu ondo onartzen desadostasunak.