Umbra Light Festival Gasteizera bueltan dator asteburu honetan, “Batzen gaituen argia” lelopean. Erdi Aroko Almendra eta Zabalgunea lotzen dituen ibilbide ikusgarria prestatu dute, espazio irekietan eta eraikin enblematikoen fatxadetan eta barnealdean instalazio artistikoak jarrita. Argia dute oinarri horiek guztiek. Gaurtik igandera arte (19.00etatik 23.00etara gaur eta bihar, eta 22.00ak arte igandean) ibili ahalko gara gaueko zirkuitu bitxi honetan. 2019an estreinatu zenetik milaka bisitari erakarri ditu jaialdi honek, eta hiria argi- artearen erreferentzia bihurtu du.