Bat igaro eta, segidan, atsedenik eman gabe, bestea etorri. Horrelaxe gabiltza aspaldi samarrean denboraleekin. Atzo “Nils” deituriko depresioaren haize ufada galantak pairatu genituen (Matxitxakon orduko 150 kilometro neurtu ziren; 129 km/h, Jaizkibelen; 119 km/h, Santa Klaran eta Oizen; 95 km/h, Moredan, 89 km/h, Zizurkilen...) eta olatutzarrak itsasaldean (8 eta 11 metro artekoak). Eta hura joanda, gaur arratsaldeko lehen orduan “Oriana” iritsiko dela aurreikusita dago. Hori ere, haizete eta olatu handiekin. Argazkian, itsasoaren indarra, atzo, Ondarroan.