Mari Puri Herrero artista bilbotarra da 87. Musika Hamabostaldiko kartelaren egilea eta berezkoa duen ikonografia baliatu du aurtengo edizioari aurkezpen irudia egiteko. Urdinak, bere obran zein bizitzan protagonista denak, presentzia nagusia du jaialdirako egin duen obran eta, era berean, nagusi dira hain preziatuak dituen naturaren elementuak, baita musika iradokitzen dutenak ere, zelatan daudenak, agertzen eta desagertzen direnak. Hondoak tonu laranja du eta izpi gorrixka batzuek artistak obrarekiko duen entzute jarrerari erantzuten diote.