Marieniako lurretan joan den udazkenean ogia egiteko landaturiko garia produktu kimikoekin pozoitua izan dela salatu dute Kanboko eremua laborantza lur izan dadin borrokan ari diren elkarteek (ELB, Lurzaindia, Le Cade, Ostia eta Nahi Dugun Herria). «Bandalismo honek» lurra betoiz betetzearen alde diren «aktoreen egiazko aurpegia» azaleratzen duela adierazi dute agiri baten bidez. Marienian bi ereduk talka egin dute: kalitatezko eta lekuko laborantzarenak eta espekulatzaileen negozio gosearenak. Lurren etorkizuna justiziaren eskuetan dago.