Haizea Lauzurika Bereziak kuadrillako neska eta Ekain Gonzalez Los Desiguales kuadrillako blusa izango dira Edurne eta Zeledon Txiki Gasteizko aurtengo Andre Maria Zuriaren jaietan. Maider Etxebarria alkateak (ezkerrean) eta Sonia Diaz de Corcuera Kultura zinegotziak (eskuinean) atzo entregatu zizkieten abuztuaren 7an Arabako hiriburuko jaietan txikienei eskainitako egunean eskuetan izango dituzten aterkiak eta ardo zahatoa. Egun horretan, hain zuzen ere, egitaraua haurrentzat berariaz pentsatutako jarduerez, musikaz eta jolasez josita dator aurten ere.