Udalbiltza eta Euskaltzaleen Topaguneko lehendakariek, Mertxe Aizpurua eta Mikel Irizarrek, hurrenez hurren, lankidetza hitzarmena sinatu zuten atzo Donostian. Hitzarmenaren bidez, Udalbiltzak, bere Garapen eta Kohesio Fondoaren bidez, Topaguneak Euskal Herri osoko euskaltzaleak aktibatu eta saretzeko egiten duen lana babestu nahi izan du, lan hori garatu ahal izateko finantziazioa bideratuz. Bi egitasmotara bideratuko dute akordioa: Topaguneak Iparraldeko elkarte euskaltzaleekin sare lana zabaltzeko egitasmoan, batetik, eta «Euskarak 365 egun» ekimenaren garapenean, bestetik.