Gasteizko Udaltzaingoak ohar batean jakinarazi zuenez, astearte eguerdian, 13.15ean, emakume bat arin zauritu zen txirrindulari batek harrapatuta. Pilar auzoan, Konstituzio plazan gertatu zen ezbeharra, 74 urteko andrea espaloitik oinez zihoala. Udaltzaingoak argitu zuenez, plaza honetan bada zati bat bizikletek beren errai propioa dutena, baina istripua gertatu zen tokia oinezkoentzat soilik da. Bizikleta gainera etorri zitzaionean, emakumea espaloira erori zen eta burua lurraren kontra jo zuen. Larrialdi zerbitzuek Santiago erietxera eraman zuten, Udaltzaingoak zehaztu zuenez, zauri arinekin.