Larrabetzuko Literaturaz Berbetan eta Domekak Hori Baien ekimenek beste bi saio antolatu dituzte aste honetarako. Batetik, gaur bertan, literaturazaleei eskainitako ekitaldian, Garbiñe Ubedaren «Hobe ixilik» liburua izango dute mintzagai. Topaketa Angulerin izango da, 19.00etan. Bestetik, igandean, hilaren 23an, Arrutiko Intxaurrak eta Mor More taldeak arituko dira euren musikarekin Hori Bai gaztetxea alaitzen, 18.30etik aurrera.