Anna Kordzaia idazle georgiarrak jaso du Tbilisi hiriko (Georgia) Ilia Unibertsitateak (Ilia State University-ISU) urteko eleberri onenari ematen dion saria. Kordzaia 2012ko azaroan Pasaia Donibanera etorri zen Euskal Idazleen Elkarteak gonbidatuta, eta bertan «Nork hil zuen Txaika?» eleberria amaitu zuen. Lan horrek jaso du saria. Idazlea 1968an jaio zen eta Tbilisin bizi da egun. Itzultzaile eta kultura arloko kazetari gisa egiten du lan. Horrez gain, Ilia Unibertsitatean literatura eta idazketa eskolak ematen ditu. Bere idazlan eta itzulpenek sariak jaso dituzte. Hugoeneako egonaldia dela-eta Elena Martinezek elkarrizketatu zuen «Zazpika» aldizkarian.