Antonio Ezquerro eta Agustin Mendizabal ikertzaileek musika ikerketa sustatzea helburu duen Donostiako Orfeoia-EHU XIII. Saria parekaturik jasoko dute bihar, Gipuzkoako campuseko Ignacio Maria Barriola zentroko entzunaretoan, Donostian. Halaber, Donostiako Orfeoiak eta Euskal Herriko Unibertsitateak (EHU/UPV) Fernando Etxepare zenak musikaren munduan egindako lana eta ibilbidea ere aintzatetsiko dute. Ekitaldia 19.00etan hasiko da, eta sari banaketa amaitzean, Donostiako Orfeoiak emanaldi ireki bat eskainiko du, bere errepertorio tradizionaleko konposizio batzuk eskainiz.