Donostiako Parte Zaharrean aurkitzen den Narrika Tabernako ogitartekoen izenek historia oso bitxia dute. Tabernako jabea den Jose Migeli aspaldian bere ogitartekoei Parte Zaharreko plazen izenak jartzea otu zitzaion; besteak beste, «La Bretxa», «La Consti», «Sarriegi», eta abar.

Jende ugari inguratzen zen bere ogitartekoak dastatzera, eta askok beren gustuko ogitartekoa eskatzeko ohitura zuten; ogitarteko berri horien itxura «bikaina» zela eta, hainbatetan jendeak bokadilo bera eskatzeko joera zuen. Egoera honen aurrean, ogitartekoei plazen izenak jartzeaz gain, bokata berriei sortzaileen izenak jartzen hasi zen.

Honenbestez, Jose Migelek tabernako kartan bezeroen izena duten bokata ugari ditu; esaterako, «Argala «. Argala deituriko gizonezkoak lehen aldiz eskatutako ogitarteko hau, tabernako jabearen aburuz, bezeroek «atsegin» dute. Plantxan egindako «Argala» -Indioilarra, perretxikoa, hirugiharra, gazta eta piper berdea- eta «Autonomo» bokatak dira gaur egun, Donostiako Alde Zaharreko taberna historiko honetan gehien saltzen diren bi ogitartekoak.