Urtero bezala, kanoikadak eta «Artillero» abestiak emango dio hasiera Donostiako Aste Nagusiari Alderdi Ederren. Arratsaldeko 19.00etan izango da hori, nahiz eta festa giroak goizetik izango duen lekua.

Erraldoiak, buruhandiak eta musika izango dira Parte Zaharra eta inguruko kaleak betetzen.

Madrileko Vulcano etxearen su artifizialez gozatzeko aukera izango da 22.45ean. Ondoren, Ze esatek! taldeak kontzertua emango du Saguesen, Demode Quartet taldea Bulebarreko kioskoan egongo da eta Alex del Toro DJak Kursaaleko Urumea terraza musikaz beteko du.