Lekuaren lasaitasunak eta egun-pasa egiteko eskaintzen dituen aukerak direla-eta, familia ugarik eguna bertan igarotzeko plana egin ohi dute. Jatekoa etxetik eraman daiteke, bertan prestatzeko edota prestatutakoa atsedenlekuko mahaietan jateko aukera dagoelako. Esku hutsik joaten denak berriz, inguruan dauden bi jatetxeetan edota egurrezko kantinan jateko eta edateko aukera dauka.

Egun lasai eta paregabea igarotzeaz gain, Txoritokieta, San Markos eta Jaizkibel mendien ikuspegiez gozatu daiteke. Merenderoaren inguruan, halaber, Aizpitarte, Kukuzulo eta Landarbaso kobazuloak eta megalitoak daude ikusgai.

Egun-pasa egin nahi duenarentzat, beraz, toki aproposa dago Oarsoaldea eskualdean kokatutako Errenteria udalerriko txoko honetan.