Hemezortzi hilabeteko lanen ostean, Nafarroa Behereko, Zuberoako eta Bearnoko hiru kantonamenduetako etxe-hondakinak bildu eta tratatuko dituen Mendixka hondakindegiak bere jarduera abiatu du. Sarrikotapean kokatutako instalazioak 20.000 tona etxeko hondakin eta 16.000 zabor ez arriskutsu har ditzake urtean. Lehenik gaika sailkatuko dira hondakinak eta %50 balorizatzea da helburua, batez ere, konposta eginez. Astelehenean hasi ziren Mendixkako gunean hondakinak biltzen, entsegu teknikoak urriaren 22an bukatuko dira eta konpostaren lehen produkzioa urtearen bukaerarako aurreikusi dute. Herrian liskar handiak sortu ditu egitasmoak.