Ibarrak nesken Lauko Txapelketako txapela lortzeko urrats garrantzitsua egin zuen Aian irabazita, eta une honetan bi puntu ateratzen dizkio Gaztedi A taldeari, gipuzkoarrek duten aurkari zuzenenari.

Ibarrako taldeak saioko tiraldi guztiak irabazi zituen, eta horrela txapela lortzetik gertuago geratu zen. Bigarren postuan Gaztedi A sailkatu zen. Bizkaitarrek gipuzkoarren aurka galdu egin zuten, eta gainerako tiraldi guztiak irabazi zituzten.

Hirugarren, azkeneko jardunaldian Badaiotzek amaitu zuen. Aurreko bi taldeekin galdu egin zuen, baina Gaztedi B eta Bizindar menderatu zituen. Gaztedi B taldeak amaitu zuen laugarren postuan, Bizindarri bakarrik irabazita, eta azken hauek itxi zuten sailkapena, jokatutako tiraldi guztiak galduta.

Mutiletan, 300 kiloko lehen jardunaldia jokatu zen, eta A multzoan Baigorri izan zen talderik onena, saioko tiraldi guztiak irabazita. Nafarroa Behereko taldeak txapela lortzeko hautagaitza aurkeztu zuen.

Bigarren amaitu zuen Ibarrak, Baigorrirekin galduta, eta hirugarren berdinduta amaitu zuten Ñapurrak-ek eta Muruetak. Atzetik, berriz, Sokarrola eta Atzera sailkatu ziren.

B multzoan, Iparralde izan zen talderik onena, eta atzetik Sokarrola B, Urruña, Txantrea eta Aguraingo geratu ziren. Lehen fase hau amaitzeko jardunaldi bakar bat besterik ez da falta, eta multzo bakoitzeko hiru talderik onenek lortuko dute finala jokatzeko txartela, eta A multzoan, borroka handia izatea espero da.