Philip Duluc, Anita Lopepe eta Peio Etxeberri-Aintxart EH Baiko ordezkariek agerraldia egin dute Baionan eta bertan jakinarazi dute koalizioa ez dela maiatzaren 25eko europar hauteskundeetara aurkeztuko. Zerrendarik ez aurkezteko erabakia da Ipar Euskal Herria Estatu frantsesaren barruti erraldoietan ordezkaririk izateko aukerarik gabe geratzen dela. Horrekin batera, koalizioak lehentasuna eman nahi dio une honetan bere barne egituraketari eta mugimendu iraunkor bilakatzeko lan egingo du.
Zerrendarik aurkeztuko ez badu ere, EH Baiko ordezkariek iragarri dute EH Bilduri emango diotela sostengua hauteskundeei begira. «Josu Juaristi gure hautagaia da, Euskal Herri osoko gure hautagaia. Proiektu bera eta herri bera eramanen du Europara», adierazi dute.
EH Baik ez du boto kontsignarik emango, baina Europan Juaristi buru den Herriak Erabaki koalizioak ordezkatuko dituela uste dute. Hautagaitza horretan Lapurdiko Elorri Arin doa 15. postuan.
Hallado en Larunbe un altar de piedra romano dedicado por una mujer a la deidad vascona Larrahe
El nombramiento de la nueva directora de Fiestas de Bilbo está al límite del Reglamento
Denuncian el ataque a la vivienda de la alcaldesa de Etxauri en las fiestas de la localidad
«El pacto de PNV y PSE muestra que el gobierno es un fin en sí mismo»
