Martxoaren 22 eta 29ko hauteskundeak iragan ondoren, Kontseilu Nagusiko presidente berria hautatu dute ostegun honetan Pauen. Kargu honetarako hiru hautagai aurkeztu dira: Jean-Jacques Lasserre (Forces 64), Marie-Pierre Cabanne (Ezkerreko Taldea) eta Alain Iriart (independentea, abertzalea). Kantonamenduka kontseilariek jarrera adierazi ondoren, 31 bozekin Jean-Jacques Lasserre presidente hautatu dute, Kazeta.eus-ek bildu duenez.
Bigarren itzulian garaipena lortu duten kontseilariak Paueko Kontseilu Nagusian elkartu dira. Hitzorduan presidente berriaren bozketan parte hartu dute. Kantonamenduka alderdi ezberdineko parte hartzaileek beren boza eman dute. Orotara 54 boza izan dira, haien artean txuri bat.
Marie-Pierre Cabannek 20 boto lortu ditu, Alain Iriartek 2 eta Jean-Jacques Lasserrek 31. Beraz, Kontseilu Nagusiko presidente berria eskuin-zentristako kidea da.
«Hautesleen konfiantza berreskuratu behar dugu, krisiarekin eta langabeziarekin galdu dena», adierazi du presidente berriak. Honetaz gain, zehaztu du gaurtik goiti, alderdiak «gutxiago ez duela lan eginen, ezta ere gehiago; baizik eta beste modu batera».
Alain Iriartek, bere aldetik, gogoratu du sinbolikoki aurkeztu duela bere burua, baina nabarmendu du «bozek aurretik» hitz egin dutela, EH Bairen emaitza onei aipamena eginez.
Identifican a la navarra María Luisa Eugui entre los fallecidos en el accidente de Adamuz
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
